Mie han olen Lesosija..
Jumalalla passipoja,
Jotta tähä sukuh miun
Pani mualla elämäh,
Lesosiloih kuulumah.
Lesoset ja Lezoevit
Ollah yhtä samua sukuo..
Kirjoloista sie voit löytyä,
Ajalta tuhatviisisatua,
Tämän suvun alkuperän.
Suomen lahen rannikoilla
Asu suvun alkajija,
Entisijä Lesosija,
Ketkä Pohjan muahan asti
Sieltä sukujuret piästi.
Sieltä siitä merie pitkin
Suku laenomah piäsi…
Amerikan rannikolla,
Kiinan vallan niemimualla,
Japaanian suariloilla.
Voihan käyvä vielä niinkin,
Jotta Marsin kankahilla,
Tuntemattomassa muassa,
löyvät joskus Lesosija,
Sukupolven jatkajija.
Miehän olen Lesosija,
Ison suvun ihmisijä,
Kaikessa rehellisijä,
Eikä olla petturija
Meijen sukuh kuulujat.
Lesoset on viisahija,
Monet heistä tietäjijä,
Kaikki hyvie ruatajija.
Isäntänä toimijija,
Monet polvet muistavat.
Laukkurina kulkijat
Oltih hyvät laulajat,
Starinoen kertojat.
Jos sie kuulut Lesosih,
Kuulut kunnon ihmisih.
– Paavo Lesonen, Venehjärvi (2010)
Comments are closed.